طلاب المدرسة المهنية الصناعية التجارية بديرعطية

مرحباً عزيزي الزائر نرجو منك التسجل بالمنتدى أو الانضمام الينا ان كنت من أحد الأعضاء وشكراً


    صفات الشاب الكذااااااااااااب

    شاطر
    avatar
    shooz
    عضو جيد
    عضو جيد

    انثى عدد الرسائل : 22
    العمر : 27
    نقاط : 17857
    تاريخ التسجيل : 08/02/2009

    صفات الشاب الكذااااااااااااب

    مُساهمة من طرف shooz في الجمعة فبراير 27, 2009 1:27 am

    صفات الشاب الكذاب
    بلا طول سيرة عليكم هي تجربه شخصيه خدو الحكمة من تجارب الاخرين :



    1 - الشب المنظوم بيحاول التعرف عليكي بشتى الطرق حتى يحصل رقم الموبايل او رقم الارضي اذا كان محظوظ (لانك بتخافي اهلك يردو وبتصيري انتي تدقيلو ..... لا تفكري كتير عم يوفر يعني )



    2 - بيصير يصرعك باتصلاتو ليل ونهار على اشتقتلك وبحبك و مرفقه طبعا بالمسجات الي كلها حب وغرام و غزل (مو من حظك طبعا لازم تردي بشي مسج شكرا عالقليله او مس كول وهو بيفتح الخط بوجهك ..... خرجك )



    3 – بيتصل باخر الليالي وانتي بعز النوم او عم تحضري شي فلم عال

    mbc2 وبيسمعك اغاني حب ورومنسيه

    متل اغاني تامر حسني و شايني وورد (و يا خوفك يسمع البابا او الماما او حتى الجيران بسابع طابق صوت الغناي لانو معلا صوت بس شوي )



    بعد فتره تمتد بين اسبوعين و شهر (حسب شخصيتك هي الفترة ) وبعد ماتكوني تعودتي عليه بيوقف المسجات فجاة ولازم تعرفي انو هاد تكتيك مشان تحسي بالفقد انو في شي ناقصك بهالدنيا .



    بيصير بعد قطع المسجات بفتره لا تتجاوز التلات ايام يخفف الاتصالات و يكتر المس كولات بس شو لا تخافي الاتصالات كلها حب وغزل و من الحكي الي بيعجبك ( وطبعا بيصير يشكيلك انو ما معو مصاري و متقاتل مع ابوه ووووو ومشاكل و الدنيا كلها ضدو ..... في شك !!)



    هلق صرنا بمرحله جديدة وبيقلك الكلمة السحريه حلمت فيكي مبارح بالليل وياريت هالحلم حقيقه كنا انا وانتي بالجنه وكتير كتير كنا مبسوطين (طبعا مو ضروري الجنه أي مكان اخضر و معزول بيكون منيح من اجل الرومنسيه)



    المهم بعدين بيطلب يشوفك بوقت متاخر اكتر من العادة يعني مثلا بتشوفو بعض الظهريات زيديون 6 ساعات

    (وانتي بترضي لانك جدبه !!)



    بعد الف لعبه وحيله و تعب بتقدري تشوفيه الساعه 8 المسا ( طبعا المكان مخفي ما بدها حكي ..)



    هلق بعد ما تشوفو بعض و بتجلسو بسعاده على غفله بيمسكلك ايدك و بيطلع بعيونك بكل رومنسيه و بيقلك بحبك و بيصيرو عيونو يدمعو بس'مو شرط' ( وهون انتي بتسخسي ما هيك ..... غبيه !!)



    هاد الحكي السابق كلو مرفق بتخفيف المس كولات و الاتصالات وانعدام المسجات من ناحيتو و طبعا انتي بتبحبحي ايدك و بتصيري تتصلي و تسرقي موبايل البابا و الماما و اخوكي لتحكي معو ........

    (no comment).



    بتصير بهي المرحله كل اللقاءات مسائيه ( لانك كتير ذكيه الله يخليكي لاهلك ...)



    ها ها هلق بعد فترة من الزمن بلقطكم ابن الجيران الصغير (وهاد اذا كنتي محظوظة كتير كتير ) او بتلقطكم شرطة الاداب ( اللي ما لو حظ لا يتعب و لا يشقى بهالحياه ..) .



    اذا ما انفضحت نص البلد فيكي بتصيري تطلبي تشوفيه الظهر بس لانو ماعاد فيكي تطلعي المسا ( هئ هئ هئ هئ وصلتي يا بعدي ...) وبيصير مشغول كتير و كل شغل العيله عليه و كل الدنيا عم تطالبوا بمصاريف و ديون .



    بتصيري تدقيلو كل النهار يا خارج التغطيه يا بيسكر بوجهك ( هون نصيحة اختي حفظي ماء و جهك و حذفي رقمو ..) .



    ما محيتي الرقم ما هيك والله بعرف المهم يا ذكيه كملي معي لشوف شو بدو يطلع معك ..... بيتصل فيكي و بيقلك انتي انسانه رائعه و كل شب بالدنيا بيحلم فيكي بس ....................... انا اهلي خطبولي ( وطبعا هاد كذب يا زوطة لانو مو خادم عسكريه أو بكون بدراسته و ما معو اجرة سرفيس بس يعني هاد اذا عندو شي جد ابن حلال بيحسسك بالاكشن و عاساس انو لهلق بيحبك بس هي الظروف ..) اما اذا ابن حرام بيقلك حلي عن ربي حاج تدقي على هاد الرقم ما حلك تفهمي ماني طايقك تضرب هديك الساعه ..... (sorry for you )



    اخيرا و ليس اخرا بعد ما تكوني اكلتي الصواب الصعب و بلشتي بكي لصارو عيونك حمر و مخاطتك متر

    بيطبقك رفيقو الي حس بدناوتو لصاحبو معك (!!!!!!) و بس يطبقك يا عزيزتي بترجعي بتقريه من الاول لانو الحمار استحى انو يوقع بنفس الجورة مرتين





    ســــــــــــــــــــــــــــــــــــــلامــــــــــــــــات
    avatar
    قطر الندى
    مشرف عام
    مشرف عام

    انثى عدد الرسائل : 127
    العمر : 40
    نقاط : 17998
    تاريخ التسجيل : 15/02/2009

    رد الشاب الكذااب

    مُساهمة من طرف قطر الندى في الجمعة فبراير 27, 2009 5:21 pm

    يا مسكينة انا بحياتي ما وصلت معي الامور لهون بالعكس انا الي اعطيه كم مرتب عل كل أحب ان أقدم لكل فتاة مجموعة من حكم البنات اللي اخدوها من معرفتهن بالشباب وعلمتهن عدة أمور ومنها...
    انه الشاب يكذب في عشر أشياء وهي:
    -أنا بحبك I love you Cool
    -أنا بموت فيكLaughing
    -انا ما بلحق بناتSurprised
    -انا ما بخونكLaughing
    -انت اول حب بحياتيEmbarassed
    -كنت نايمRolling Eyes
    -انا ما عم اكذب عليكEmbarassed Rolling Eyes
    -انا مشتاقلك وبدي شوفكSurprised
    -موبايلي فضيان شحنه;)
    -القدر اقوى مني ومنك ولازم نفترق..... 👅 Twisted Evil
    لذلك يا شباب غيروا النوته واشتغلوا على غيرها لانه ما عادت بتنفع ;) 👅
    وانت يا عزيزتي شوفي حالك عليك وشوفي كيف بيركض وراك ;) Smile
    avatar
    مروان منا
    المدير العام
    المدير العام

    ذكر عدد الرسائل : 283
    العمر : 28
    نقاط : 18580
    تاريخ التسجيل : 01/02/2009

    شكرا

    مُساهمة من طرف مروان منا في الجمعة فبراير 27, 2009 9:36 pm

    شكراااااااااااااا
    بس والله لموتك شو هالحكي هاد يخرب بيتك سودتي وجهنا
    لك والله أنا مو هيك
    لا بقى تشملي.........
    شكرا


    _________________
    *المدير العام*
    avatar
    shooz
    عضو جيد
    عضو جيد

    انثى عدد الرسائل : 22
    العمر : 27
    نقاط : 17857
    تاريخ التسجيل : 08/02/2009

    رد: صفات الشاب الكذااااااااااااب

    مُساهمة من طرف shooz في السبت فبراير 28, 2009 12:06 am

    يييييييييييي صدقتك ال مو هيك ال Razz
    انتو كل الشباب هيك يا بعدي
    وشغلة تانية انا صحيح لساتني صغيرة بس تعلمت كتير كتير
    من الحياة يلا سلااااااااااااام

      الوقت/التاريخ الآن هو الجمعة نوفمبر 16, 2018 5:13 am